Oi Sim

B仔終於都7個月啦, 遠離同佢見面時間總有3個月. 真係好緊張, 好期待,真係好希望哩3個月快的過去.自從由香港番來之後我既體重同肚既大細都未增加過(108磅, 34吋腰), 哩一點真係令我有的擔心. 好怕B仔會過細, 所以我哩幾日我都食好多朙野.即使我一的都唔肚餓. 只有3個月時間, 我真的希望B仔生出來時係健健康康.

從香港番來已2個多星期啦. 但哩2個多星期好似發生好多事, 真係令我好唔開心, 好心煩, 好想番去阿媽身邊. 但我知道自己已長大啦, 唔可以成日都想依靠媽媽. 自己已結婚啦, 已經擁有一個家啦, 再過多3個月我既b仔就出來啦. 而我又將會成為媽媽. 所以我要更堅強, 唔可以成日喊啦, 希望琴晚係最後一次啦.

我地既婚禮終於完滿結束啦, 真係好開心. 以後都唔需要再煩啦, b仔都可以光明正大咁出世啦. 其實最開心就係可以仁完成媽咪既心愿, 佢一直都好希望我地3個仔囡結婚搞得好好睇睇. 果晚, 媽咪不但開心,而且仲好緊張. 緊張到連映相都唔識得笑. 以家睇番的相真係覺得媽咪好可愛呀. 雖然我地好開心, 但阿爸就應該好心痛啦. 因為今次既婚禮佢真係用佐好多錢, 而且我地4個xx鬼番去又用佢一大匹. 我相信阿爸今年都唔係好想見到我地幾個啦.

明天一早就番香港啦, 真係好害怕因為知道一定會有事情發生. 可能一切都係自己錯因為自己一直都唔想去面對, 所以令事情愈來愈大. 我相信我已唔可以再去避開啦. 應該勇敢去接受現實, 始終哩個係我既錯, 我唔要求得到很好對待, 我只希望番去唔好令媽媽唔開心..

BB已19個星期啦, 時間真係過得好快. 哩一個星期一就已知道肚里面既BB係一個男仔. 其實對於我來講男女都唔係一個問題因為係我既bb, 我相信我對佢地都會一樣愛鍚. 只係我明白到老人家一定會鐘意男仔, 開頭真係令我有的壓力, 以家終於可以鬆一口氣啦. 雖然bb仲未生出來, 但我已明白到生bb真係好辛苦, 亦都要有好大既責任感. 我唔清楚自己有無咁既能力同勇氣去再生多一個. 但自己真係好想要多一個女, 因為我一直認為女比較鍚媽媽多的, 同媽媽傾計既話題亦都多的.

我BB今日已12週啦, 真係好開心. 雖然日子一日一日咁過去, 但我既肚同以前一樣未大過,重量亦未增加過(96,97磅). 為佐BB既健康著想我已開始唔著咁緊身既牛仔褲啦,但發現原來自己係無一條鬆身褲. 真係慘, 難道以後我就唔可以出去見人咩, 好可憐呀. BB,媽媽咁偉大你一定要好鍚我呀>.<. 唔係我就打鍋你.

有時真係好矛盾因為好想BB快的係我肚度長大(証明BB健康成長), 但另一方面又好怕7月份摆酒時畀人指指點點. 我都唔知想點好真係好矛盾呀. 點都好啦, 好想哩10個月快的過去, 咁我就可以見BB個樣啦, 真係好心急呀.

你既來臨真的令我好意外.我既心情只可以用興奮又害怕來形容. 興奮-係因為自己將會成為一位媽媽, 好難相信自己體內有一個小生命既存在. 害怕-係因為好怕你既出現會改變我將來既計劃, 好怕家人既睇法.一切一切都好似唔再受到我控制之內, 所以我好擔心. 事情既然唔受我控制, 我都唔想再去想. 由以家開始你就係我最重要既事啦.

今晚我真係好唔開心因為見我妹喊, 我既心真係好痛. 真係好想我妹對愛情可以有多的既自信. 真係好想佢可以搵到一個真係錫佢既人, 唔好再令佢傷心. 佢今晚同我講佐好多對唔對, 但其實我一的都無嬲佢, 我只係因為佢喊而難過. 其實我根本就無想過要佢男友走, 一切既決定權都在於佢自己, 只要佢開心我好願意接受佢男友.

雖然今年情人節唔似其他人咁收到花, 但我一樣咁開心. 因為老公送佐2支 hand cream畀我, 真係令我好感動. 我以前曾經同佢講過<睇一個女人幸唔幸福就要睇佢對手>. 之後佢就成日都話我對手好靚(大話). 但我無諗過佢會送我hand cream. 我感動係因為佢話想我成為一個幸福既女人. 其實認識肥猪老公後, 我一直都好幸福因為有你既支持同幫助. 希望係以後既日子里都有你陪伴.

今日又畀阿sam炳, 最近唔知因為咩事令我地2個都唔係好<駝>對方, 番工時已無以前咁多說話, 至於咩問題我真係唔知道??? 個小氣鬼因我星期五失約以向我發脾氣. 件事根本唔係我一個人既錯, 佢竟將所以責任推係我身上. 真係好唔開心(>.<)….. 難道做老細就有哩一個炳人既權利嗎? 真係唔公平…….其實我都唔想咁對佢, 話到晒佢對我都唔錯, 但有時佢既脾氣真係好難頂, 以後點算哩!